Imaz Jenerala
|
Hasier Etxeberriaren artikulua Alua Mundua! blogetik aterata. "Azterketa sinple bat gaur. Xabier Arzallusek jubilatu behar zuen garaietan, kezka handia zegoen Eusko Alderdi Jeltzalearen lerroetan: nork gidatuko gaitu aurrerantzean? Nork beteko du Arzallusen hutsunea? Zein da horrelako lan bat hausturarik gabe egiteko gai den gizonezkoa? Eta jakina denez, bitan banatu zen bidea. Alde batera imaztarrak, bestera egibartarrak. Edo, nahiago bada, eta sinplifikazioari segika, pragmatiko-maniobreroak alde batera eta politikoak bestera."  Alabaina, nago bide bikoitz horren aukera beste gertaera aurretikoago batek egin zuela posible. Hain zuzen ere, Arzallus bezalako gidari bat bazterrean uzteak ematen zuen bertigo jasanezina sendatuta zegoen, nolabait, Imaz-Egibar talka gertatu baino lehenagotik. Ibarretxe oinordeko politiko bikaina zen Arzallusentzat. Jeltzaleak lasai ziren gidari berri bat aurkituta. Ibarretxek bermatzen zuen bidea. Ibarretxe zen geroa. Lasai mutilak, beraz. Beste kontu bat da Lehendakaritza eta alderdiko burutza esku bakarrean ezin egotearen kontua. Baina gutxieneko segurtasun sarea, ezarrita zen lehenagotik. EAJ-k bere historian egin duen ibilbidea ez da makala. Hor zehar esaten da —eta halaxe ikusten dut neuk ere—, EAJ beti izango dela herri honen zatirik handiena bere baitan hartuko duena. Horrexetan dela abila alderdi hau: beti irabazten. Printzipio irmoak baino, gehiago duela zernahitara egokitzeko gaitasuna. Eta hala, Jainkoa eta Lege Zaharrak tituluan daroan arren, dibortzia edo abortuaren alde ager daiteke herritarren pentsaera alde horretara garatzen bada. Berdin ekonomian, berdin gizarte-politikan… Guardasolaren antzera, beti gainean egongo den plastilinazko paramezio bat izango da EAJ: eguzkia nora, zapiak hara. Total, erretorika apurtxo bat egokitu eta kito. Eurek dute horretarako labela. Horregatik ikusi dugu EAJ edonorekin ezkontzen. Bera da horrelako gauza bat egin dezakeen bakarra: HBrekin Lizarrakoa, PSOErekin presoen urrunketa, PPrekin Aznarren inbestidura… Balio egin behar da horretarako. Ez dago edonoren aukeran. Kontua, beti ur gainean ibiliko den kortxoa izatea da. Ahalik eta botere gehien eskuetan eduki eta horren hariak sekula ez galtzea. Zentzu horretan, aparta da EAJ alderdia. Alderdi politikorik abilena, zalantzarik gabe. Eta gaur inoiz baino gehiago. Imaz gidari dutenetik, ez Ibarretxe eta ez Egibar dira beharrezkoak. Imazek ez duela soslai politikorik esaten da, baina gezurra da. Sekulakoa da bere ahalmen politikoa, balorea behar baita une honetan PP etorkizuneko kide izatetik ez baztertzeko, aste honetan adierazi duen bezala. Alderdian hezi eta hazitakoa, EAJk ez dauka hoberik alderdia beti goian edukitzeko. Sakoneko arazo politikoak ez ditu konponduko, hori bistakoa da. Aberria ez du berak salbatuko, edo gainerakoon Aberria ez, behintzat. Berea bai, hori salbatuko du: Aberria eta Alderdia gauza bera baitira berarentzat." Etiquetas: EAJ-PNV |
13 Comentarios:
Bete-betean asmatu du. Eta ondorengo hausnarketa: bermatzen du euskalherriaren existentzia alderdiak?
Ni ezezkoan nago.
Eta nork bermatuko du euskal herriko existentziak? IAk?
Betikoa. Hemen ez dau alderdi edo mugimendu abertzale bat baino gehiagorik, IAren mundua izan ezik, jakina. Besteok, bereziki EAJtak, soilik bilatzen du boterea.
IAk betidanik izan du pentsaera berbera, eta bere pentsaera gizarteak barneratzen du. Esan dezakegu IAk beti joan dela gizarte aurretik. Adibidez Leizaran, Metroa, AHT, Elkarbizitzarako proposamena, energia nuklearra edo termikoa edo eolikoa (asken finetan, zertarako energia, beti erosi dezakegu espainian ala frantzian), aro berriko laurak bat eta bukaezinezko zerrenda.
EAJtak, hala ere, beti doa gizartearen aldaketen atzetik, bere mugimenduak kopiatzen eta bereganatzen.
Esandakoa, betidako lelokeriak eta batzuk beste mundu batean bizi diren froga.
Bi gauza indarkide:
1. EAEn energia termikoaren oinarrizko osagaiak inportatzen dira. ( gasa, ikatza edo dena delakoa). Nuklearrean oinarrizko osagaia ere inportatu behar da, eta kriston zabor nuklear piloa generatzen da, eta hau kudeatu behar da. Gainera, arriskutsua da ezta?
2. Laurak bat proposamena zuek onartzeko modukoa da, ZUEK esaten duzue ibarretxeren proposamena baina gutxiago dela. Zergatik ez onartu? ez dut ulertzen. Presoak gerturatu, ezker abertzalea pakean utzi, laurak bat proposamenta onartu eta pakea....ez?
Ea haserretu gabe erantzuten didazun.
Lehenengo eta behin, artikulu honetan eta “Batasuna ¿quiere presentarse o no?" posteko pare bat iruzkin modu txarrean eginda daudela deritzot. Praile batek beste bati esan zion: “Genaro, anaia, zarta gutxiago eta arrazoi gehiago”. Ba hori.
Imanol, H. Etxebarriak ondo idazten du. EAJren kamaleonismoari eman dion errepasoa ez da nolanahikoa, ironia barne. Ez du Etxeberriak gustuko Imaz. Normala ere bada, kontuan izanda H.Etxeberria, seguru asko, ezker abertzalekoa izango dela. Niretzat ezker abertzalea zabala da; hortaz, gehiegi litzakete euskal idazlea Batasunaren munduan kokatzea.
Imazi pragmatiko-maniobrero deitzen dio. Egibar politikoen artean sartzen du. Ibarretxe oinordeko naturala. Eta EAJ? “EAJ beti izango dela herri honen zatirik handiena bere baitan hartuko duena. Horrexetan dela abila alderdi hau: beti irabazten. Printzipio irmoak baino, gehiago duela zernahitara egokitzeko gaitasuna.”
Zuk esandakoak badu nondik heldu:
1.- “Ezker abertzalearen kontura gizendu nahiean zabiltzate, edo, hobeto esanda, edonoren kontura gizendu nahiean”
Ba bai Imanol, hala da. Hori ez da EAJren kontua bakarrik, alderdi politiko guztiena baizik, Batasuna barne. Logikoa ere bada ahalik herritar gehien erakartzen ahalegintzea, pertsona bakoitzak boto bat baitu. Bestalde, uste baduzu Batasuna ez aurkezteak ematen dizkiola botoak EAJri, hori ez da egia bakarra, espazio horretako boto-emaileek beste aukera batzuk izango dituztelako: boto indargabea, zuria, etxean gelditu eta, azkenik, denetan gehien erabiliko dena: ANV.
2.- “EAEn energia termikoaren oinarrizko osagaiak inportatzen dira. ( gasa, ikatza edo dena delakoa). Nuklearrean oinarrizko osagaia ere inportatu behar da, eta kriston zabor nuklear piloa generatzen da, eta hau kudeatu behar da. Gainera, arriskutsua da ezta?”
Energiaren arazoa larria da. Kontuak modu honetan atera behar dira, nire ustez: zenbat energia kontsumitzen duzu zuk? Hor sartu kotxea, etxea, tresne elektrikoak eta gainerako guztiak. Hori biderka ezazu Euskal Herriko herritar kopurua aintzat hartuta. Hori da gertatzen dena, alegia, ez zaigula gustatzen nuklearra; eolikoak itsusiak direla eta gutxi sortzen dutela; termikoak zikinak; konbinatuak ez dakit zer, (….) Bien bitartean, zu eta ni mendebaldeko gizarte kontsumista honen arabera bizi gara. Ez da posible.
3.- “Laurak bat proposamena zuek onartzeko modukoa da, ZUEK esaten duzue ibarretxeren proposamena baina gutxiago dela. Zergatik ez onartu? ez dut ulertzen. Presoak gerturatu, ezker abertzalea pakean utzi, laurak bat proposamenta onartu eta pakea....ez?”
Blog honetan zenbait aldiz aipatu dena izan da Anoetako Proposamena Ibarretxe Planaren azpitik zegoela edukiei edo eskumenei zegokienez. Ondorioz, ikuspegi abertzaletik hobe zela Ibarretxerena aztertzea eta ez bestea, orain “laurak bat” lelora mugatu dena. Ez dut, ordea, sekula Batasunako inor entzun esanaz prest legokeela Ibarretxerena aztertzeko, oso modu orokorrean esaten hoberik badago aditzera emateko, jakina baino jakinagoa denean badagoela Proposamen zehatz bat aspalditik zehaztuta.
Ez naiz haserretzen, egia esanda, halako gauzak egunero entzun behar ditugu.
Inportatu? Noski baietz, beharbada IAk ez daki ekoizkin amaituak gordinak baino pilo bat bider gareztiagoak direla. Energia erabili nahi badogu (sua eta harria erabiltzen zen arora itzultzea ez ba da IAren alternatiba), zer da hobe, kanpotik erosi bi euro trukez (adibidez) eta atzerritarren menpean egon ala gu geuk egin euro bat trukez, inoren menpean egon eta gure jendeari lan bat emotea?
Laurak bat proposatzen da orain como la panacea de los dioses, ridículo. Horretarako 30 urte hauek?
Pakean utzi? Nola pakean? Nor dago hemen egunero eta gauero irainak botatzen, gauzka apurtzen eta jendea erasotzen?
Nik esan nahi dudana da:
1- Ezker abertzaleak, Proposamen zehatz bat egin du. Euskal Autonomi Erkidegoko biztaleek nahi badute eta Nafarroako biztanleek nahi badute autonomia berri bat sortzeko aukera bermatzea. Hau da, Nafarroa eta EAE bat egiteko aukera nahi izanez gero.
2- Aipatutakoa egingo balitz, PAKEA etorriko litzateke.
Hori da nik ulertu dudana, eta berriro diot, EAJk onartzeko modukoa iruditzen zait.
Egia borobila da ETAk mehatxatu, bonbak ipini eta hil egin duela. Baina egia borobila da ere, Guardia zibila hemen dagoela, Guardia zibilak kristonak egin dituela eta egiten dituela ( hil, torturatu, torturatu, torturatu...) egia da Ertzaintzak ere asko ikasi duela ( torturatu torturatu, noizean behin ere pelotazo bat eskapatu zaio eta deskuidoan batenbat naturalki hil da) egia da ere dispertsioa existitzen dela, egia da ere ilegalizazioak existitzen direla, egia da ere guda zibilean nafarroan gudarik ez zela egon eta 2000 hildako egon zirela. Egia da ere zuen Imazek horien oinordekoekin berriro paktatzeko asmoa azaldu duela. Francok euskara debekatu zuela, aurretik askok eta askok debekatu zuten bezala, Bilboko udaletxea euskara mailan EAEko okerrena dela, Donostiakoa ( PSOE) eta Gasteizkoa ( PP) ren atzetik.....egi asko dago. Agian, problemaren definizioan ez gaude ados...zaila konponbideak topatzea horrela.
Hau da, IAk egindako proposamena beteko balitz, pakea etorriko litzateke. Bestela ez? Bakarrik IAk nahi duena egiten bada? Zergatik ez besteok proposatu dutenarekin?
Oso txarto geratzen da esatea nik nahi dudana egiten bada, pakea, bestela, badakigu zer Hori ez da ez elkarrizketa, ez negoziatzea, ez demokrazia, ez ezer. Bakarrik erakusten du IAk erabiltzen duela indarkeria bere helburuak betetzeko eta hau ondo dagoela pentsatzen duela.
Orain gerra zibila? Orain garai hartan gertatu zena? Orain frankorekin jasatu zena?
Egia esanda, garai hartan eta gero IAk ez zen existitzen, EAJtak bai. EAJ ikusi zuen bere jendea torturatuta, espetxeratuta, fusilatuta, espoliatuta, ihesari emanda, alderdia ilegalizatuta eta beraien hizkuntza, euskara, debekatuta. Eta hemen gaude, inork hil barik. Inork bahitu barik. Inork mehatxatu barik.
Ez, ez IAk nahi duena egiten bada, ez. Teorian EAJ-k nahi duena egiten bada. Ez al ditu EAJk nafarroa eta EAE gerturatzeko aukera indartu?
Ez al zuen Irujo-k "Nafarroa Euskadi da" esaten?
Bestalde, ez nekien guda zibila EAJ eta Espainiaren artean izan zela...barkatu. Euskaraz hitzegitea soilik PNVri debekatu ziotela e.a. Hala bada, zuretzako arrazoia.
Esandakoa ez badozu ulertu, berriz esango dot:
EAJtak ere jasan zuen ilegalizazioak, torturak, espetxea, hildak, espolazioak, etab. Eta inoiz be onartu du indarkeria. Ezta justifikatu. Zuk, IAk bezala, baietz dirudi: Egia borobila da ETAk mehatxatu, bonbak ipini eta hil egin duela. Baina egia borobila da ere, Guardia zibila hemen dagoela, Guardia zibilak kristonak egin dituela eta egiten dituela ( hil, torturatu, torturatu, torturatu...) egia da Ertzaintzak ere asko ikasi duela ( torturatu torturatu, noizean behin ere pelotazo bat eskapatu zaio eta deskuidoan batenbat naturalki hil da) egia da ere dispertsioa existitzen dela, egia da ere ilegalizazioak existitzen direla, egia da ere guda zibilean nafarroan gudarik ez zela egon eta 2000 hildako egon zirela.
Ere bai idatzi dozu Aipatutakoa egingo balitz, PAKEA etorriko litzateke.. Eta aipatutakoa egingo ez balitz? Pakea ez?
Mesedez, ez jarraitu nire hitzak
barkatu, esan nahi nuena zen idatzi dudana nahiko argi dagoela, eta mesedez es jarraitu hitzak nahasten.
Azkena:
neure asmoa ez da zure hitzak nahastea, eztabaidatzea baizik.
Hala ere, laugarren saiakeran, ez dut lortu erantzunik laurak bat proposamenari buruz....eta badirudi ez dudala lortuko. Ondo izan.
Erantzuna Ibarretxeren planan dago. Irakurri.
Publicar un comentario
<< Home