Liverpool eta Morientes espainola


Hamar minutu Europako futbot finala amaitu dela. Liverpoolek irabazi du eta izugarri poztu naiz; areago, penaltiak ezin izan ditut ikusi, urduri jarri naizelako.

Liverpool F.C.Amaieran denak txoratzen, denak saltoka. Talde anitza da: frantsesak, txekiarrak, euskaldunak, espainiarrak. Bandera bakar egon da: Espainiakoa. Gainerakoek ez dute ikusi, inolaz ere, euren bandera agertarazteko premiarik. Morientesek bai, hark erakutsi behar izan du espainiarra dela. Hor izan dira gureak ere: Alonso, Aiestaran eta Otxotorena; beste guztiei bezala ez zaie iruditu ezer erakutsi behar zutenik une horretan.

Igandean elkarrizketa luzea egin zion Berriak X. Alonsori, eta patxada eta zentzun askoko mutil baten erantzuna jasoko dut hemen: "Zer daramazu zuk odolean?" galdetzen diote; eta berak: "Nire jaiolekua. Basque Country-tik natorrela esaten dut. Hemen badakite ezberdinak garela, gure kultura daukagula". Bai jauna, gora Liverpool!