Asea eta gosea, gaur eta hemen

Eguberrietako zurrunbiloan sartuta gaude dagoeneko. Bihartik aurrera bazkaria afariarekin pilatuko zaigu, egun batean bai eta bestean ere bai. Jesusen jaiotza aitzakia hutsa da, opariz, janariz eta edariz gainezka jartzeko. Munduan, ostera, milaka haur eta heldu gosez hilko bihar eta etzi, inoren errukirik gabe. Gotzai Joan Mari Uriartek idatzi du: "Jainkoaren aurrean gure lotsa adieraztera etorri gara, gure samina eta sumina, gure eskandalua, gure otoitz sutsua eta gure hitza egintza bihurtzeko borondatea azaltzera heldu gara hona."