Hitzen negargurea... ta Euskal Herria

Araba, Nafarroa eta Gipuzkoa anaitzen dituen Altzaniako basotik Txori Txikik bidali digu gutun hau:

Jakin dudanez gure zorioneko "esparru komunikatibo"a euskarazko telebista lokalen bidez sortuko dutenen artean, Diario de Noticias-DEIA batzen dituen enpresa dago. Abertzalea ote? Noski, galdetzea ere... Izena "Corporacion de Medios del Norte" edo halako zeozer jarri diote. "Del Norte" hori seguru dakit. Iparraldean orduan egoitza... Baionan akaso?

Ke ba! "del norte de España" esan nahi du. Bost puxtarri. Hori duk hori transbertsala ta Espainiarekiko adeitsua izatea, Euskaltelen "llamadas nacionales" bezala, ño!

Enfin, aurreragoko kontuak dira hoiek ordea. DEIAren fazikulu politika ikusi bestela: Behin Euskadiko erliebeko mapa saldu zuten atalka, Eusko Jaurlaritzako Garraio sailaren patrozinioaz... Baina oh! Euskadi hura hiru probintziz osatua zegoen.

Gero berriz, gastronomia iritsi zen, "por comunidades autónomas" eta noski, alde batetik Euskadi, eta bestetik Nafarroa... hori Idiazabal gaztaren denominazioan Nafar artzainak eta Gobernua ere sartuta dauzkagularik... atera kontuak.

Enfin, horixe ba... Hauekin independentzirarte...seguru dugu.

Goraintziak.